بــــــــوح,,,

سالت دموعي والجروح القديمه=وهاج الضمير وبدل الفرح بأحزان
انا الذي عايش حياته ظليمه=ولانيب راجي من ورا حبك احسان
لاجلك شربت المر روحي سقيمه=وانتا تجازيني على الحب حرمان

انا وين ابلقى يالاجاويد فاعل خير=حريص على سر المحبين لا ارسلته
انا مثل صقار تولع بحب الطير=ولف قلبه فروخ الشياهين واهبلته
تولعت في غرو غرير يتل السيل=ابي نظرتن من نظرة الحر سبلته
صغير بسنه مير عندي مهب صغير=يا حظه بقلبي ويا كبر منزلته
اجمع سمان الهرج خوف من التقصير=واذا جيت عند وجهه تهازلته
يجي خافقي هيبة محبة حيا تقدير=اجي له وعندي هرج واروح ما قلته

يا غايبه وشلون بعدي قويتيه=وشلون قلبك طاوعك تهجريني
الله واكبر وين عهدن خذيتيه=وين الوعود ووين ذاك اليميني
كم مرتن دمعي بكفك مسحتيه=واليوم وينك ياغايبه ما تجيني
مشتاق لك والشوق يصرخ ظلمتيه=حسي بشوقي يالغلا وارحميني

مهرة الليل جيتي مرحبـا مرحبـا
اقلطي..مابـه الا دلتـي وحطبـي
ياهلا ياهـلا بك..يـا حبـا ياحبـا
اقربي..لعن ابو حي الظروف اقربي

لا قلت لـك خلنـي تكفـا تخلينـي
النفس ضاقت وتعرف من مضيقهـا

ماني بحاجة علوومك لـو تسلينـي
بعٌد عن العين واحسن لو تفارقهـا
لا ضقت انا حتى روحي ما تدانيني
و إليا هدا البال غربهـا وشرقهـا

لو كان غيرك حرام انـه يحاكينـي
لو كان كل الدروب البيض يطرقهـا

تدري وش اللي ذبحني و البلا فيني
بعرف عروق الغلا وشلون تسرقهـا
يمكن تكون الخيانة مـن شراينـي
و لاحظوظـك يجـوز الله موفقهـا

ما قلت لاحدن سوا امي يا بعد عيني
وشلون خليتني لعيونـك انطقهـاا

ياروح روحي يا قلبـي يابساتينـي
يا بسمه العين ليه العيـن ترهقهـا

والله من زود حبك صنت رجلينـي
ما شفتني يوم اسوق الرجل وافهقها

انا بصفك واضيع وانشـدك وينـي
وشلون لا رحت جدرانـي اصفقهـا

ماتدري اني شريتك يـوم تشرينـي
عشان حبك ابيع الخلـق واحرقهـا

ارجوك اذا شفتني ضايـق تخلينـي
و اذا هدا البال غربهـا و شرقهـاا

انا وين ابلقى يالاجاويد فاعل خير=حريص على سر المحبين لا ارسلته
انا مثل صقار تولع بحب الطير=ولف قلبه فروخ الشياهين واهبلته
تولعت في غرو غرير يتل السيل=ابي نظرتن من نظرة الحر سبلته
صغير بسنه مير عندي مهب صغير=يا حظه بقلبي ويا كبر منزلته
اجمع سمان الهرج خوف من التقصير=واذا جيت عند وجهه تهازلته
يجي خافقي هيبة محبة حيا تقدير=اجي له وعندي هرج واروح ما قلته

لا لا يغرك كثير الصمت وسكاتي=خل المشاعر تقول الآهـ واسالها
يسكني الحب واضح من عباراتي=وش عاد لاجلك حروفي لو اذللها
عذبني الشوق واسرفت بخيالاتي=نفس تحبك دخيلك ليه تهملها
يا ليتك شوي تشعر في معاناتي=دنياك يمكن عليك تضيق باكملها

ادفع ثلاث ارباع عمري لجل يوم= اجلس انا وياك واخذ كثيرك
واليا حصل يومين الله من علوم= وليا بغيت اسنين انت وضميرك
تراني استاهل وانا منك محروم= لاتحرم اللي منتظر مد خيرك
تعبير وجهك يعتبر طارد هموم= غمازتك اجرام الله يجيرك
بحات صوتك وانت صاحي من النوم= تكره اللي كلمك صوت غيرك
تنهيد صدرك وانت ضايق ومهموم= من حسها سلم مصيره مصيرك
كلك على بعضك اليا جيت ملموم= ماتنحسد , الناس تحسد عشيرك
ياخي لحقني منك شره عتب لوم= قلبي كسيرك وانت تطعن كسيرك
شفني اخايل فالسما برق وغيوم= ضميان وانت تشح عني غديرك
انا اعد من السهر ضيم ونجوم= وانت اتحضن مسندك في سريرك
خلك على وضعك عسى وضعك يدوم= بس ودي في بعض الامور استشيرك
اذا عتبرت اني اسيرك ومن قوم= ماهو كذا اصلا تعامل اسيرك
واذا فترضت ان فيه ظالم ومظلوم= تدري بلاش من افتراضي يثيرك
واذا بحياتك شخص فيه انت ملزوم= لاصار اهو اولك مابي اخيرك
لكن تأكد من عرفتك الى هاليوم= انا حياتي مابها شخص غيرك

يا ليل رح قله ترا الحال منهار =وخلك رسول الشوق بينه وبيني
وقله ترا قلبي توقد على نار =من ليلة البارح وانا افرك يديني
راحت بي افكاري ورا حد سنجار = وانطر متى مرسول خلي يجيني
ياليل قل للعاشق الصادق البار =وش اخر علوم الغلا يا ضنيني
وقله علامه عرض البارح طيار =عراض حيين ن على ميتيني
روح وخلاني مع الغار والنار = اصيح له بالصوت ما لد فيني
ياليل قبل ادق في اللوح مسمار =با عطيك مرسومي وبصمة يميني
ومن طاع هقواته مع كل مشوار =تاهت به الحجه ولو بعد حيني
خلك معي شاهد قبل تاتي كبار =باكتب حروف للظروف تحكيني
ومادام خلي قال لك هات الاخبار = اقرا له المرسوم عني بحيني

***

يا بنت انا من لابة ن دمها حار =ما تعرف الذله ولا تستهيني
وقت الخطر نمشي على درب الاخطار =وملوك غاب ما نهاب الحصيني
وسنون شر تصك في روس الاشرار=واطيب من العنبر مع الطيبيني
عاداتنا ماننتهك حرمة الدار=وتاريخنا يا بنت درع حصيني
من طيبنا ماحدن تعدا على الجار =في وقتنا واسلافنا الاوليني
با عطيك لي موجز تحت ضوء الانوار =قبل ارفع شراعي واعني سفيني

***

يا بنت انا رجال ما حولي غبار =ادين بالمعروف واسد ديني
شفت القهر والضيم وشريت الامرار =ولا رضيت اذل واحني جبيني
شاعر ,وفي , خلف الكواليس لي كار =وارث مزايا الطيب من والديني
لو اتقدم في محطات الاقمار = اغناني الجمهور والمعجبيني
ملكي وراس المال عشرين دينار =لاتحسبين اني ورثت المزيني
وان كانكم يا بنت في السوق تجار = ما ني بقايل يوم بكره عطيني
الدرب واضح وانت يمديك تختار =ولا تحير بين غيري وبيني
اما تيامن وقف بصف نيزار = والا تياسر صوب صف الخميني
والطوشري لولا سواليف غوار =ماحدن سمع بالطوشري يا ظنيني

***

لو قلت ودك بي ولو صار ما صار = وابغاك من جور الزمان تحميني
حطيت لك عندي مكانه ومقدار =اقدرك بالحب وتقدريني
واسقيك من كاس العشاشيق قنطار =واضماك واشرب منك واسقي سنيني
واصير لك قيس الملوح بالا شعار = واقول ابي ليلى وليلى تبيني
وانثر لك ابيات الشعر فوق الاوتار =تسري على مسحوبها والهجيني
والقلب لي حبك له الحق لي غار =وان كان قلبك حبني صارحيني
ترا شعور الحب دافي وسحار =ينسيك كل همومك بحاجتيني
اذا صفى خلاك باش وحكم دار =وان بار يلعن جد ابو الطيبيني
ان كان حبك صار طاغي وجبار =با قول يا غض النهد صبريني
وان حدنا جيش الغلا جيت مسيار =وانتي على جمر الوله تحتريني
امسك يدينك واسكت شوي محتار =والمك لصدر جذب لك ونيني
واشم ريح انفاس عطرك لما ثار =بين الثنايا يزهم الشوق فيني
لحظة معا وجدان امل باشة الدار = تسوى الزمان اللي مضى والسنيني
وكثر التغلي والخطايا والاعذار =ترخص مكانة حبنا صدقيني
وان كان قلبك ملته دين الانصار =خلك على دينك وانا ابقى لديني
وان كان تبغى لعبة القط والفار =با سحب ملفاتي وبارفع يديني
فاذا المحبه عندكم ضحك وهزار =ماني بفاضي واعذري واسمحيني
واللي مضى يا بنت خليه تذكار =اباذكرك بالخير وانتي اذكريني
انا عطيتك كل وجهات الا نظار =عل وعسى من بعدها تفهميني
وان خربت الرصه ولا جات مقطار =فيالله زينها عساها تزيني